Mroiva: El Dorado

Прыйшла амаль сапраўдная вясна, а разам з ёю вяртаецца і нашае Мроіва! Вельмі лёгкі, амаль бязважкі гатунак мае супер насычаны, шчыльны смак для свайго градусу, а шаўкавістая тэкстура і непраглядны хэйз балансуюць яскравы арамат хмелю (якога ў Мроіве столькі ж, сколькі ў падвойных NEIPA). Амерыканскі хмель El Dorado напоўніў наш сесіённы нью інглад сакавітымі смакамі цукровых грушаў і першых вясновых персікавых кветак. Кожны келіх – быццам бы маленькія аблокі на высокім красавіцкім небе.