Ciemra: Double Mosaic

Акурат у той час, калі ноч – самая кароткая, мімалётная і чароўная, мы разам з нашымі сябрамі з блэк метал гурту Ciemra выпускаем чарговую Цемру – наш улюбёны падвойны Black IPA. Белыя, вострыя, ірваныя аблокі араматнай пены малююць на непраглядна чорным небасхіле магічнага напою дзіўныя малюнкі, нібыта ў стылі corpse paint. Падвойнае сухое ахмяленне непаўторным Mosaic разам з яго cryo-версіяй дадае яскравыя водары чорнага сушанага лайму, чорных парэчак і таемных кветак, пераўтварае кафейна-хваёвы эліксір у сапраўдны настой чорнай лясной магіі на вільготным і асвяжальным начным паветры ўлетку. Skål!