Fresco: Limetta E Sale

Новы гатунак нашага дэканструкаванага пілснера ў італьянскім стылі з лінейкі Fresco – гэта сапраўдная камбінацыя шматлікіх крыніцаў натхнення. Тут і нашыя сябры з Jungle Brewery і іх неверагодны пілснер з лаймам, і салёныя лагеры з сіцылійскіх берагоў, і новазеландскія пілснеры з сухім ахмяленнем лакальным хмелем, і мексіканскія лагеры з кавалачкам лайма ў вільготнай бутэльцы, і канешне, наш першы гатунак серыі з базілікам і соллю. Гэтым разам наш класічны горкі пілс мы вытрымалі на цэдры свежых лаймаў, пасля чаго дадалі на сухое ахмяленне ашчадную колькасць новазеландскага Motueka, які яшчэ больш падкрэсліў лаймавыя водары. А дробка марской солі, надзейны лагерны штам дрожджаў і доўгая вытрымка на нізкіх тэмпературах зрабілі ўсё астатняе. Італьянскі па сутнасці, але ж натхнёны цэлым светам незвычайных асвяжальных напояў, створаных для таго, каб перамагаць спёку і смагу ў стылі. Saluti!