Mroiva: Sabro

Здаецца, зноў надышоў час Мроіва. Мы вырашылі, што гэты гатунак цудоўна пасуе не толькі спякотнаму лету, але ж і навагоднім святам, калі хочацца разбавіць карагод моцных напояў чымсьці лёгкім і асвяжальным. Гэтым разам мы ўпершыню зрабілі Mroiva толькі на нашым улюбёным хмелі Sabro, ды яшчэ і лепшага ягонага ўраджаю. Сакавіты кактэйль, падобны на свежы махіта з лёгкімі адценнямі цэдры лайма, мяты і какосавага масла, такі ж мутны і звышлёгкі, як заўсёды, дапаможа вам захаваць ясную галаву ў святочным ліхалецці.