Ručaj: Desítka

Чэшскія дзесіткі можна піць бясконца. Неверагодна лёгкія, але зусім не пустыя, горкія, але паміж тым ідэальна сбалансаваныя. І нарэшце лінейка нашых лагераў Ručaj папоўнілася сваёй дзесіткай. Прыемныя, настальгічныя водары свежаспечанага хлебу пераплятаюцца з пікантнасцю хмеля Saaz (а мы скарысталі беларускі камерцыйны варыянт гэтага гатунку), а шаўкавістая шапка пены захоўвае гэтыя араматы некранутымі да апошняга глытку. А традыцыйныя для нас доўгая вытрымка на нізкіх тэмпературах і надзейны лагерны штам дрожджаў робяць усё астатняе, каб новы «Ручай» быў вашым спадарожнікам па цёплых вясновых днях.