Smuha: Nelson Sauvin

Nelson Sauvin — вельмі цікавы хмель з Новай Зеландыі, які прыўносіць у піва нехарактэрныя для большасці гатункаў хмелю адценні агрэсту і белага вінаграду. У гэты раз мы яго выкарысталі ў новай «Смузе́» — сакавітым і мутным New England IPA, каб дамагчыся яшчэ больш яскравага і запамінальнага арамату. Піва мае звыклы для ўсіх гатункаў лінейкі непранікальны жоўты колер, карункавую белую пену, шчыльную базу і выразны пах і смак з тым самым вінным профілем, а таксама ягаднымі і кветкавымі ноткамі.