Smuha: Riwaka

Мы вельмі доўга чакалі, калі да нас у рукі пападзе звышрэдкі новазеландскі хмель Riwaka. Яшчэ некалькі гадоў таму попыт на яго ў 10 разоў перавышаў прапанову, таму гэты гатунак маглі выкарыстоўваць толькі самыя вялікія крафтавыя бровары. Аднак у гэтым годзе нам пашэнціла, і новы падвойны New England IPA з лінейкі Smuha напоўнены цудоўным Riwaka з яго моцнымі араматамі маракуі і свежавыціснутага апельсінавага соку. Усё гэта прыемна спалучаецца з аксамітнай мутнай базай колеру спелага манга, троху салодкай, з ледзь заўважнай гаркатой, і стварае дзіўны напой, быццам бы сапраўды з іншага канца свету.