Suchaviej: Rosé

Кожны год мы выпускаем Сухавей – IPA, які больш падобны на віно ці шампанскае. У гэтым годзе ўсё склалася надзвычай цудоўна, і новы Suchaviej мы выпускаем акурат пад Новы Год, бо шампанскае – сапраўдны сымбаль гэтага свята. Наш Сухавей мы трошку падкіслілі, ахмялілі незвычайным нямецкім хмелем Hallertau Blanc, які прыўнёс смакі белага вінаграду і бузіны. Але ж цікаўнасць завяла нас яшчэ далей, і мы дадалі натуральныя парэчкі і чарнаплодную рабіну, каб зрабіць колер і смак больш падобным на розавае віно. Наш святочны Сухавей ўжо чакае вашых келіхаў!