Trasca: Ekuanot
Triple IPA
Мы працягваем серыю «Трасца», у межах якой выпускаем гатункі ў стылі Triple (Imperial) IPA з высокім градусам і шчодрым ахмяленнем на ўсіх этапах вытворчасці. У гэты раз мы звярнулі ўвагу на амерыканскі хмель Ekuanot. Ён насыціў піва цытрусавымі і ягаднымі ноткамі ў паху і выразнай, але лагоднай горыччу ў смаку без залішніх травяністых адценняў. У выніку атрымалася шчыльнае піва светла-бурштынавага колеру са стойкай белай пенай, насычаным цытрусавым водарам з ноткамі дыні і трапічнай садавіны, чыстым і моцным соладавым смакам і працяглай горыччу.
