Trasca: El Dorado
Triple IPA
Хмель El Dorado, які з’явіўся на рынку літаральна дзесяць гадоў таму, вельмі хутка трапіў у спіс найбольш папулярных гатункаў. Па дадзеных амерыканскай Brewers Association, у мінулым годзе плошчы засеваў El Dorado дасягнулі рэкорду і дазволілі яму заняць сёмае месца па аб’ёмах вытворчасці.
Намаганнямі дыстрыбутара ProBrewService да нас даехаў El Dorado найсвяжэйшага ўраджаю. Дзякуючы яскраваму профілю хмелю нашая новая «Трасца» напоўненая тонамі ананаса, манга і грушы ў паху, трапічнымі і смалістымі адценнямі ў смаку, а таксама мяккай горыччу ў паслясмаку. Усё гэта разам са шчыльнай соладавай базай стварае моцны, чысты і збалансаваны IPA у лепшых традыцыях амерыканскага захаду.
