Vietraź: Žuraviny i Razmaryn

Мы проста не можам правесці лета, не выпусціўшы Ветразя – нашага неакласічнага бельгійскага вітбіру. І хай часу засталося зусім няшмат, але ж жнівень болей чым выдатна падыходзіць да нашага новага рэлізу. Belgian witbier – сапраўды ідэальны гатунак, але мы любім рызыкаваць і гэтым разам замянілі звычайныя складнікі на дзіўныя і вельмі цікавыя. Замест класічнай каляндры мы дадалі свежы, пікантны, хваёвы размарын, а замест цытрусавай цэдры вытрымалі наш Ветразь на неверагодна духмяным пюрэ свойскіх журавінаў. Але ж зрабілі гэта вельмі ашчадна, разважліва, каб не схаваць за смакам ягадаў галоўнае – збалансаваны і амаль хрусткі вітбір, спадарожнік вашых лепшых летніх успамінаў.