![](https://malanka.beer/images/2019/05/pint.png)
Пінта
Найбольш папулярная форма пінты — з трохі выгнутымі сценкамі, якая злёгку пашыраецца дагары. З-за свайго адносна вялікага аб’ёму, яна лепш за ўсё падыходзіць для піткіх, слабаалкагольных стыляў. Хоць пінта не спрыяе раскрыццю араматычных нюансаў яна з’яўляецца універсальным куфлем.
![](https://malanka.beer/images/2019/05/pilsner.png)
Пілснер
Келіх Пілснер падыходзіць не толькі для пілснераў, але і для любых іншых лагераў. Келіх высокі, тонкі, з прамымі лініямі і трохі звужанай вяршыняй, што дапамагае захаваць пену. Яго форма прызначана для дэманстрацыі колеру і карбанізацыі піва.
![](https://malanka.beer/images/2019/05/snifer.png)
Сніфтэр
Сніфтэры лепш за ўсё падыходзяць для араматычных гатункаў піва, такіх як моцныя элі з высокім утрыманнем алкаголю. Яго невялікая глыбокая чаша захоўвае выражаны смак і водар гэтых гатункаў, а кароткая ножка дапамагае трымаць келіх у далоні, награваючы піва і раскрываючы яго водар.
![](https://malanka.beer/images/2019/05/tulip.png)
Цюльпан
Як і сніфтэр, цюльпанападобны келіх мае шырокую форму, але з выцягнутай, а не «закрытай» гарлавінай. Такая форма ідэальна падыходзіць для захавання пены і ўлоўлівання лятучых рэчываў.
![](https://malanka.beer/images/2019/05/teku.png)
Тэку
Келіх Тэку — гэта версія цюльпанападобнага куфля з больш вострымі кутамі. Ён захоўвае водар піва і спрыяе захаванню пены, а ножка прадухіляе награванне куфля і змяненне пажаданай тэмпературы піва.
![](https://malanka.beer/images/2019/05/weizen.png)
Вайцэн
Шырокая гарлавіна куфля і яго плыўныя формы маюць два прызначэнні: правільна падаць пах піва, а таксама падтрымліваць высокую, пышную пену. Такі від куфля ўпершыню з’явіўся ў Германіі і з’яўляецца аптымальным для пшанічных стыляў піва.