Imhla: Hallertau Blanc

Наш новы New England IPA у лінейцы Imhla выходзіць акурат пад Новы год, і мы не маглі не скарыстацца момантам і зрабіць яго максімальна святочным. Нямецкі хмель новай хвалі Hallertau Blanc, што досыць рэдка выкарыстоўваецца ў мутных і сакавітых IPA, тут раскрываецца водарамі святочнага куфля іскрыстага шампанскага, свежасарванага смуродзiнавага ліста і смалістай ігліцы навагодняй ёлкі. Марозна-асвяжальны і сонечна-яскравы, гэты IPA спалучае ў сабе ўсё тое, за што мы так любiм таямнiчае свята сустрэчы Новага года.