Imža: Malina i revień

Новы гатунак у серыі піва ў стылі берлінер вайсэ Imža на гэты раз зроблены з дадаткам бамбізнай колькасці маліны. Сакавітая і духмяная ягада цалкам змяніла колер піва і насыціла напой характэрным яскравым пахам і кісла-салодкім смакам. Мы выкарыстоўвалі цэлыя ягады, таму ў піве таксама можна адчуць лёгкія даўкія адценні ад костак маліны. Яшчэ мы дадалі сцёблы рэвеню. У піве гэтая расліна не дае шмат смаку, але здольная падкрэсліць кіслую базу напою.