Strava: Cadziki

Час — для супоў, салатаў, соўсаў і полівак. Мы запускаем новую серыю, прысвечаную стравам з розных краінаў свету. Першае піва ў лінейцы створанае пад уражаннем ад традыцыйнага міжземнаморскага і балканскага соўса-закускі цадзікі. Ён з’яўляецца неад’емным спадарожнікам гіраса і сувлакі, мясных і рыбных страваў. Асновай цадзікі выступаюць ёгурт і агуркі, а дадаткамі могуць быць розныя травы і прыправы. Так зрабілі і мы: піўны цадзікі мы закіслялі ёгуртам, потым дадалі агуркі, а таксама перацёртыя кроп і часнык. Піва мае бледны жоўты-зялёны колер, асвяжальны пах і чысты кіславаты смак з салодкімі адценнямі агуркоў і пікантнымі ноткамі кропу і часныку. Наш цадзікі можа спатоліць смагу ў спякотнае надвор’е і цудоўна падыходзіць да любой стравы. καλή όρεξη!