Trasca: Citra
Triple IPA
Мы адкрываем новую серыю пэйл-эляў, працягваючы канцэпт лінейкі падвойных IPA Lichamanka. Гатункі ў серыі Trasca, як зразумела з назвы, будуць яшчэ больш шчыльнымі і моцнымі. Гэта піва ў стылі Triple (Imperial) IPA з высокім градусам і шчодрым ахмяленнем на ўсіх этапах вытворчасці. У першым піве мы выкарысталі адзін з нашых улюбёных гатункаў хмелю Citra, які багаты на трапічныя адценні. Вынікам стала дастаткова замглёнае піва яскрава жоўта колеру з выразным цытрусавым пахам. У сакавітым смаку праяўляюцца ноты лімоннага джэму, крыху кветкава-мядовай аскомістасці і пікантныя адценні свежай мяты. Паслясмак сагравальны з працяглай абвалакальнай горыччу.
