Vyraj: Manha i marakuja

Першы досвед у галіне супер-моцных мілкшэйк-IPA атрымаўся вельмі ўдалым, таму мы і вырашылі працягнуць серыю Vyraj. Зараз мы дадалі да манга пюрэ маракуі, каб зрабіць гатунак яшчэ больш трапічным. У выніку выйшла вельмі салодкае, вельмі яскравае і вельмі моцнае піва з выразным фруктовым профілем. За хмелевы складнік зноў адказваюць новамодны Idaho Gem, які прыўнёс ягадныя і зёлкавыя адценні, а таксама лёгкую гарчынку ў паслясмаку, і заўжды актуальны Mosaic. Упершыню гатунак будзе прадстаўлены на VI Minsk Craft Beer Fest.