Vietraź: Apieĺsin i laŭr

Бельгійскі вітбір — гэта ўсё такі ж таямнічы для нас стыль, якім ён быў яшчэ тады, калі мы нават не думалі пра адкрыццё ўласнага бровара. Таму кожны гатунак «Ветразя» — сапраўднае падарожжа ў невядомае. Гэтым разам мы вырашылі пакінуць класічны дадатак цэдры апельсіна на месцы, але замянілі звыклую каляндру на незвычайны лаўровы ліст. Нестандартны інгрэдыент у піве, які больш звыкла бачыць у супе, дадаў у наш вітбір прыемныя водары леманграсу, эўкаліпту, чорнага перцу і нават трапічнай жуйкі. Да таго ж, мы ўпершыню зрабілі сухое ахмяленне ў вітбіры і дадалі невялікую колькасць хмелю Vista. Новы «Ветразь» — сапраўды ўнікальны, і мы запрашаем вас атрымаць ад яго такую ж асалоду, якую атрымліваем мы.