Muson: Cytrus

Другое піва ў серыі Muson, прысвечанай стылю катарына-саўэр, працягвае ідэю зрабіць максімальна асвяжальнае трапічнае піва. Такія падкісленыя пшанічныя гатункі маюць усе шансы стаць галоўным летнім хітом на доўгі час. У гэты раз мы зрабілі цытрусавы кактэйль: на вірпул дадалі цэдру апельсіна, каб насыціць піва характэрным водарам, а на другаснае браджэнне ўнеслі мандарынавы сок і пюрэ каламансі, якія прыўнеслі яскравы цытрусавы смак. У выніку атрымалася піткае і асвяжальнае піва празрыста-жоўтага колеру з лёгкім целам, выразным цытрусавым профілем і прыемнай кіслінкай.