Abšar: Eclipse & Sabro

Не так часта мы выпускаем Абшар на камбінацыі розных гатункаў хмелю, але гэтым разам мы не змаглі стрымацца і дадалі да яскравага аўстралійскага Eclipse наш чароўны Sabro. Спалучэнне дзікага амерыканца і араматнага аўстралійца ператварылі наш падвойны пшанічны IPA ў напой, які вельмі адпавядае набліжэнню зімніх святаў з бадзёрымі водарамі сакавітых мандарынаў, цытрусавай цэдры, ігліцы марознай ялінкі і ледзь заўважных цёплых спецый. Разам з тым, гэта ўсё ж такі IPA, і таму праз шматслойныя дзіўныя смакі лёгка прабіваецца такі знаёмы арамат свежага хмелю. Ці гэта не сапраўдны хмелевы сок?