Aurora

Незвычайныя і чароўныя паўночныя ззянні aurora borealis даволі цяжка ўявіць і ўбачыць у беларускіх краях. Вельмі рэдкія, мімалётныя, гэтыя з’явы вымушаюць нас спыніць рух і дзівіцца. Таму, канешне, і назва новага гатунку-калабарацыі з нашымі паўночнымі сябрамі з карэльскага бровара Snowcap узнікла натуральна. Яны прывезлі да нас святло поўначы, і разам мы заварылі такі ж бязважкі і хуткаплынны, хрусткі сесіённы New England IPA з неверагодным градусам у 3,3%. Ашчаднае ахмяленне хмелем Mosaic на вірпул, і вельмі шчодрае сухое ахмяленне Talus прыўносяць у Аўрору мяккія водары вясновых яблыневых садоў і яскравыя араматы фантастычнага кактэйлю Paloma. Teijän tervehyökse!