Bliskavica: Nelson Sauvin

Кожны год мы з вялікім нецярпеннем чакаем часу, калі ў нас з’яўляецца свежы хмель самага новага ўраджаю. І вось ён – першы хмель 2026 году з далёкай Новай Зеландыі (збор ураджаю у іх пачынаецца ў сакавіку, але ж шлях да нас вельмі няхуткі). І канешне ж, гэта непаўторны Nelson Sauvin. Каб лепш падкрэліць неверагодны водар найсвяжэйшага гатунку, мы скарысталі яго ў нашай Бліскавіцы – IPA у стылі Новай Англіі з падвойным сухім ахмяленнем. Водары амаль трапічных гевюрцтрамінераў, марозіва з маракуі і быццам бы бязважкага вяршоквага крэму абдымаюць з кожным глытком усё мацней і мацней, і не адпускаюць да самага дна келіху.