Ciemra: Citra & Mosaic

Нам вельмі спадабалася наша калабарацыя з Jungle Brewery у таямнічым стылі Black IPA, таму мы вырашылі працягнуць гэтую лінейку, і у самым пачатку лета выпускаем чорны, як самая кароткая ноч, падвойны IPA, які сваімі каранямі ўходзіць на паўночны захад ЗША, дзе бясконцыя скалістыя берагі акіяну сустракаюцца з вечназялёнымі хваёвымі барамі. Уся гэтая прыгажосць быццам бы адлюстроўваецца ў чорным люстэрку нашага IPA, а выдатныя, ужо амаль класічныя, гатункі хмелю Citra і Mosaic, якія таксама паходзяць з тых жа краёў, дадаюць моцную, але збалансаваную гаркату і неверагодныя араматы невядомых мясцін.