Ciemra: Simcoe & Sorachi Ace

Новая «Цемра» — чарговы калаб, але гэтым разам даволі незвычайны. У нашым імкненні да чорнага, моцнага, горкага і гучнага мы сутыкнуліся з цёмнымі аднадумцамі з блэк-метал групы Ciemra. Яны, як і мы, натхняюцца дзіўным, змрочным, і гэтае натхненне не мінула наш падвойны Black IPA. Выразна чорны, ён абуджае самыя патаемныя хваляванні, як гукі сапраўднага нарвежскага блэк-метала, а незвычайнае спалучэнне хвойна-грэйпфрутавага амерыканскага Simcoe і каляндрава-лімоннага Sorachi Ace з Японіі дадае адчуванне гіпнатычнага спакою пасярод паўночнага мора ў разгар навальніцы. Skål!