Imža

Наша любоў да гістарычных стыляў яшчэ ў часы хатняга броварства штурхала да эксперыментаў. Улюбёнымі сталі практыкаванні з нямецкім стылем берлінер вайсэ. Цяпер яго робяць пераважна метадам kettle sour, раней жа гэта піва было выключна mixed-fermentation з удзелам лактабактэрый і брэтанаміцэс. Мы абралі менавіта гэты шлях, як адзіны спосаб зрабіць смачны, складаны і цікавы берлінер вайсэ.

Гэта raw ale з трохмесячнай вытрымкай, зброджаны ўласным блэндам дрожджаў, лактабактэрый і брэтаноміцэс. Вынікам стала вельмі складанае піва з дзікім профілем, выразнай кіслінкай і лёгкімі воцатнымі адценнямі.