Imža: Smurodzina i Kmien

Нарэшце надыйшло духмянае спякотнае лета, а разам з ім і смага да сакавітых фруктовых берлінераў. Выключна лёгкі, кіслы, асвяжальны пшанічны нямецкі гатунак з лінейкі «Імжа» мы вытрымалі на вялікай колькасці свежых чорных смуродзінаў і, каб было цікава і настальгічна, дадалі духмяны кмен. Водары толькі што зваранага смуродзінавага сочыва на тонкім кавалачку чорнага хлеба, маладога смуродзінавага лісця ў вільготным садзе, найпрыгажэйшы глыбокі фіялетавы колер і паветраная лёгкасць — усё гэта робіць наш новы берлінер найлепшым летнім выратавальнікам ад дзённай спякоты.