Lichamanka: Vista

Калі вы яшчэ не паспелі пакаштаваць новы амерыканскі хмель Vista – зараз самы час, бо мы зварылі з ім новы падвойны IPA у стылі заходняга ўзбярэжжа ЗША Lichamanka. Але каб зрабіць гэтую дэгустацыю яшчэ цікавейшай, мы дадаткова ахмялілі Ліхаманку на самым пачатку браджэння. Гэты дадатак хмелю запускае працэс так званай біятрансфармацыі, калі дрожджы актыўна ўзаемадзейнічаюць з рознымі хімічнымі складнікамі хмелю, робяць выгляд больш мутным, а смак нашага IPA яшчэ больш яскравым, з падкрэсленымі араматамі дыні, гуавы і легкай смалістай хваёвай гаркатой у паслясмаку. Але ж гэта цікава!