Pavaloka: Sabro

У нас такая ж неабсяжная любоў да мутных IPA, як і ў аматараў нашага піва. Таму мы вырашылі зрабіць яшчэ адну лінейку NEIPA — цяпер у патройным варянце. Яшчэ больш хмелю, яшчэ больш мутнасці, яшчэ больш алкаголю!

Назва трэцяй серыі працягвае канцэпт папярэдніх: мроіва, смуга, а цяпер яшчэ — павалока. Гэтыя словы добра апісваюць не толькі знешні выгляд піва, адсылаючы да прыродных з’яваў, але і магчымы стан пасля ўжывання напою. Pavaloka сваім непраглядна-жоўтым выглядам, яскравым пахам хмелю і заўважным мацункам займае дух і затуманьвае зрок. У першым гатунку ў лінейцы мы выкарысталі топавы хмель Sabro, які неверагодным чынам спалучае адценні какоса, цытрусаў, косткавай садавіны і зёлкаў.