S.P.I.N.

Роўна год таму мы з нашымі сябрамі з Carousel Brewery зладзілі першую калабарацыю да адкрыцця іх уласнага бара Spin. Надыйшоў час святкаваць народзіны гэтага цудоўнага месца, таму мы зноў сабраліся і зварылі сумесны гатунак. S.P.I.N. – гэта падвойны New England IPA, які мы ахмялілі адразу чатырма гатункамі хмеля, назвы каторых складаюцца ў знаёмую карусель. Яркі Strata з водарамі суніцаў, таямнічы Pahto і смак чорнага перца, экзатычны Idaho 7 з палітрай трапічных фруктаў, вытанчаны Nelson Sauvin з унікальнымі нотамі белага віна ствараюць непаўторны вір смакаў і араматаў сапраўднага святкавання. З народзінамі, сябры!