Zolak: Sladek

Grisette – гэта сапраўдны прывід піўных стыляў з мінулага. Малодшы брат традыцыйнага бельгійскага сезону амаль знік з піўной мапы, але ж усё яшчэ не дае спакою зацікаўленым вар’ятам-аматарам. І мы вельмі любім вяртацца да яго час ад часу. Гэтым разам мы пайшлі новай для нас сцежкай і збрадзілі Zolak цікавым штамам бельгійскіх дрожджаў, звязаных з легендарным броварам Brasserie Dupont, і ахмялілі яго пры вырцы і на сухім выключна адным гатункам хмелю – вырашчаным у Беларусі чэшскім Sladek. Лёгкі, сухі, бязмежна асвяжальны, напоўнены водарамі белага перцу, веснавых дзьмухаўцоў і ружовых пялёсткаў, наш грызет будзе лепшым кампаньёнам падчас сустрэчы доўгачаканай вясны.