Morak: Kaliadny

Для сустрэчы новага году шмат якія бровары імкнуцца выпусціць нешта святочнае і яскравае. Мы таксама захацелі зрабіць адмысловы гатунак, які мог бы стаць добрым спадарожнікам да навагодняга марафону — імперскі дэсертны портэр з яскравым апельсінавым профілем. Гэта амаль непрагляднае цёмна-карычневае піва з вялікай, але нястойкай зярністай пенай, якое мае цытрусавы пах з нотамі шакалада і бісквіту. Смак салодкі, соладава-карамельны з апельсінавымі адценнямі. У паслясмаку працяглыя фруктовы фон і крыху заўважныя хмелевыя тоны.