Trasca: Idaho 7

Мы працягваем серыю «Трасца», у межах якой выпускаем гатункі ў стылі Triple IPA з высокім градусам і шчодрым ахмяленнем на ўсіх этапах вытворчасці. У гэты раз мы скарысталі хмель Idaho 7. Гэты гатунак названы ў гонар роднага штату, а ягоны профіль характарызуецца трапічнымі тонамі. У нашым новым піве ён раскрыўся адценнямі абрыкоса, грэйпфруту, ноткамі хвоі і чорнай гарбаты, якія добра дапаўняюць соладавую базу. Разам з чыстым жоўта-бурштынавым колерам, стойкай белай пенай і працяглай горыччу ствараецца насычаны, але піткі імперскі IPA.