Karahod: Galaxy & Simcoe Cryo

На чарговы дзень народзінаў нашых сяброў са SPIN BAR мы вырашылі яшчэ далей выйсці за межы эксперыментаў з IPA у стылі ўсходняга ўзбярэжжа. Разам з хлопцамі мы зварылі падвойны New England IPA з вялікай колькасцю пшанічных і аўсяных шматкоў, ахмялілі яго на ўсіх этапах звышсакавітым аўстралійскім Galaxy ураджаю 2022 году, а таксама ўпершыню выкарысталі цудоўны хмель Simcoe палепшанага фармата Cryo, у працэсе вырабу каторага ашчадна захоўваюцца самыя далікатныя араматычныя кампаненты. Неверагодныя араматы ананасу, сакавітых персікаў і свежага акіянічнага хмелю акуратна падкрэсліваюцца легкімі хваёвымі і цытрусавымі адценнямі, а шчыльнае і мутнае цела стварае пяшчотнае палатно для гэтых выразных смакаў і водараў. З народзінамі!