Vir: Dźmuchaŭcy

Вясною ледзь не ўсе бровары, якія спецыялізуюцца на дзікіх і кіслых элях, выбіраюцца ў палі, каб назбіраць першыя дзьмухаўцы. Для чаго? Каб дадаць у піва! Амерыканскія бровары выкарыстоўваюць дзьмухаўцы з пачатку XX стагоддзя. Яны дадаюць кветкавыя адценні і могуць нават замяняць хмель. Асабліва цікава дзьмухаўцы пасуюць дзікім элям, дадаючы баланс фанкавасці і кіслотнасці такога піва.

Мы пайшлі тым жа шляхам: назбіралі першыя кветкі, дадалі іх на вірпул, далі піву час адбрадзіць з удзелам уласнага блэнду дзікіх дрожджаў, саспець, а ў канцы лета вырашылі прэзентаваць вынік працы. Піва мае складаны фанкавы пах з лёгкімі фенольнымі танамі, досыць кіслы і аскомісты смак з выразнымі кветкавымі, медовымі і фруктовымі адценнямі і лёгкай горыччу ў паслясмаку.