Imža: Malina i bazilik

Наш першы малінавы берлінер вайсэ шмат каму прыйшоўся да спадобы, таму мы вырашылі працягнуць серыю Imža яшчэ адным гатункам з малінамі. І зноў гэтая ягада ідзе ў пары, цяпер — з базілікам. Гэта вельмі папулярнае спалучэнне сярод вытворцаў напояў і кандытарскіх вырабаў, якое гарантуе яскравы мікс пахаў і смакаў. Маліна дадае выразныя кісла-салодкія ягадныя характарыстыкі, а базілік, дзякуючы высокаму ўтрыманню эфірнага алею і дубільных рэчываў, — спецыфічныя духмяныя і вострыя адценні. У выніку атрымалася піва ружовага колеру з прыемным пахам ягад і спецый, стрыманым кіслым малінавым смакам і свежасцю базіліку ў паслясмаку.