Cyklon: Medusa

Нарэшце, новы рэліз у нашай звышэксперыментальнай лінейцы Cyklon! Як заўсёды, гэта IPA у амерыканскім стылі, зброджаны ўнікальным тыпам дрожджаў. Гэтым разам мы выкарысталі зусім новы, тэрматалерантны штам і збрадзілі наш сакавіты, мутны IPA пры тэмпературах вышэй за 30 градусаў Цэльсія. Мы любім спалучэнні незвычайнасцяў, таму на сухое ахмяленне дадалі самы дзіўны, дзікі гатунак неамексіканскага хмелю Medusa. Смакі і водары сакавітага манга, сонечнай белай дыні, пяшчотнай гуавы і пікантнага ружовага перцу сплятаюцца ў шалёным Цыклоне і дакладна не пакінуць вас абыякавымі!