Kola

Наш чарговы гатунак, звараны разам з барам SPIN да іх цёмнага восеньскага свята Black Mass – гэта пошук прымітыўнай, элегантнай, прыцягальнай формы канструкцыі, якая спраўна выконвае свае функцыі. Эрганамічны каркас з простай і надзейнай камбінацыі базавых, карамельных і смажаных саладоў, які мы ўзмацнілі дадаткам гатункаў, вэнджаных на торфе і буку, сапраўды нагадвае старажытнае кола. Адданае традыцыям гістарычных балтыйскіх портараў лагернае браджэнне і працяглая вытрымка пры нізкіх тэмпературах толькі падкрэсліваюць стрыманы, збалансаваны характар нашага Kola, і кожны глыток – як сагравальны грукат драўляных колаў па згубленых брукаванках.