Mroiva: Motueka

Гатункі хмелю з Акіяніі, дзякуючы спецыфічнай селекцыі і асаблівым кліматычным умовам, маюць пазнавальныя адценні, якія вылучаюць іх на фоне іншых. Нават тыя гатункі, якія паходзяць ад звыклых еўрапейскіх прабацькоў, зайгралі на іншым краю свету новымі фарбамі. Сярод іх і Motueka, асноўным продкам якога з’яўляецца знакаміты жацецкі хмель. Ён атрымаў высакародны кветкавы профіль, але разам з тым і прыемныя тоны агрэсту, вінаграду, цытрусавай і костачкавай садавіны.

Мы вырашылі паспрабаваць выкарыстаць Motueka у не вельмі звыклым для яго асяроддзі — у лёгкім мутным элі, тым больш ужо з’явіўся акіянічны хмель ураджаю 2020 года. Вынік атрымаўся вельмі цікавым: далікатны профіль хмелю добра спалучаецца з асвяжальнай аксамітнай базай гэтага піва і раскрываецца ноткамі лугавых траў, ягаднікаў і тонкімі адценнямі грэйпфруту.