Vietraź: Bierhamot, ruža i pipali

Вясна — час асвяжальных стыляў піва. Але варта памятаць і пра халодную беларускую вясну. Таму наш новы вітбір мы зрабілі ў імперскай варыяцыі — значна больш моцным, чым звычайна такое піва бывае. А каб канчаткова здзівіць вас напрыканцы варкі мы дадалі пялёсткі ружаў, пюрэ бергамота і незвычайную прыправу — доўгі чорны перац піпалі з вострава Балі. У выніку піва атрымалася шчыльным, моцным, з насычаным цытрусава-парфумным пахам і складаным смакам — адначасова сухім і салодкім, з выразным пшанічным целам, адценнямі бергамота і перца ў паслясмаку і лёгкай кіслінкай на фінішы. Частку піва мы перапампавалі ў бонду з-пад кальвадоса, каб раскрыць іншыя грані гэтага напою, а частку можна паспрабаваць ужо зараз.