Chaliera: Cascade
American IPA
Cascade — адна з апораў крафтавай рэвалюцыі. Шмат гадоў хмельнікі з Cascade займалі першае месца па плошчах вырошчвання ў ЗША (толькі ў мінулым годзе па гэтым паказчыку у лідары выйшаў Citra), а без пазнавальнага профілю Cascade практычна немагчыма было ўявіць піва ў стылі IPA. Аддаючы даніну павагі часам, калі IPA былі выключна празрыстымі і вельмі горкімі, мы зрабілі напой у такім класічным выглядзе. Залаціста-бурштынавы колер, чысты хмелевы пах з адценнямі грэйпфрута і свежаскошанай травы, грунтоўная соладавая база, працяглая горыч і бязмежная настальгія — менавіта такой атрымалася наша «Халера».
