Mroiva: Oceanic

Што атрымаецца, калі мы возьмем наш пiткi, лёгкі сэсіённы мутны IPA Mroiva і напоўнім яго найсвяжэйшым хмелем ураджаю 2021 года, наўпрост з Новай Зеландыі? Не адзін, не два, а тры розныя гатункі хмелю выдатна спалучаюцца ў гэтым малым і далікатным зверы. Nelson Sauvin надае піву характэрныя водары салодкага вінаграду Савіньён, нядбайна размятага ў руках. Wai-iti напаўняе прыемным пахам спелых абрыкосаў, белага персіка, дынных цукатаў, тым часам Rakau завяршае ўсю гэтую палітру араматам інжыру і яшчэ большай колькасцю абрыкосаў, магчыма нават абрыкосавага джэму. Сверхмутны і вельмі лёгкі, з нізкім зместам алкаголю, пiткi і яркі – мы спадзяёмся, што вам гэты IPA спадабаецца гэтак жа, як і нам.