Vir: Kalina

Vir – гэта таямнічая з’ява, у якой вельмі лёгка згубіцца. Гэта піва з тысячамі сакрэтаў, дзікі бок нашай праграмы вытрымкі ў бондах і самастойны таямнічы вопыт. Звараны са старым хмелем, ферментаваны з дапамогай нашага хатняга блэнда дрожджаў, бактэрый і Brettanomyces, вытрыманы ў вінных бондах больш за год. Гэтым разам мы вырашылі пайсці далей і вытрымалі наш дзікі эль на ягадах каліны, якая часта выкарыстоўваецца ў народнай медыцыне, хатняй вінакурцы і вырошчваецца, бадай, у кожным садзе ў Беларусі. Гэтыя ягады яркія, сакавітыя, горкія, выдатна спалучаюцца з нашым Vir-ам, і мы марым хутчэй падзяліцца з вамі гэтай парай.