Ciemra: Simcoe

Чарговы гатунак з серыі калабарацый, звараны разам з нашымі сябрамі з Jungle Brewery — гэта падвойны чорны IPA «Цемра». Гэтым разам мы выкарысталі толькі адзін гатунак хмелю, але такі, каторы, бадай, найлепш пасуе гэтаму піву. Хвойна-цытрусавы, складаны і легендарны Simcoe ператварае наш Double Black IPA у непраглядную цемру хваёвага гушчару, дзе за моцнымі араматамі сасновай жывіцы хаваюцца больш тонкія, цікавыя адценні сушаных чорных лаймаў і камбаджыйскага кампотскага перцу. Зачаравальна, моцна, горка, цёмна!