Laźnia: Biaroza i Dub

Нарэшце — яна! Доўгачаканая «Лазня», наш унікальны гатунак для аматараў лазні вяртаецца ў новым абліччы. Як і раней, у гэтым піве мы скарысталі вэнджаны на буку і на торфе солад, якія стварылі непаўторны арамат лазні па-чорнаму. І канешне, ніякая «Лазня» ад «Маланкі» не была б такім запамінальным гатункам без бярозавых венікаў, якія мы дадалі напрыканцы кіпу разам з невялікай колькасцю дубовых венікаў, каб напоўніць наш асвяжальны напой незабыўнымі драўнянымі водарамі. Кожны глыток прыносіць разам з сабою адчуванне чысціні, прасвятлення і свабоды ад усяго дрэннага!