Muson: Manha

Стыль катарына-саўэр з’явіўся пару гадоў таму ў Бразіліі. Гэта больш моцная варыяцыя звыклых ужо берлінер вайсэ — падкісленага пшанічнага піва, але абавязкова з дадаткам трапічнай садавіны. На радзіме стылю выкарыстоўваюць свежыя і спелыя экзатычныя плады, шмат якія нават не экспартуюць з-за сваёй далікатнай структуры. У іншых краінах дадаюць больш распаўсюджаную садавіну, а таксама сокі і пюрэ з яе. Мы пайшлі тым жа шляхам і ў першым сваім гатунку ў стылі катарына-саўэр выкарысталі адначасова сок і пюрэ манга. Піва атрымалася вельмі пітным і асвяжальным, з высокай карбанізацыяй, лёгкай кіслінкай і насычаным пахам і смакам манга.