Navaĺnica: pšaničnaje vino z hibiscusam

Першым півам у новай серыі Navaĺnica, прысвечанай розным варыяцыям моцных пшанічных, ячменных і аўсяных гатункаў, стаў вітвайн. Гэта моцнае і насычанае піва, якое лепш няспешна піць маленькімі глыткамі. Вітвайны маюць багатую тэкстуру і выразны зерневы профіль з фруктовымі адценнямі.

Першую «Навальніцу» мы зрабілі максімальна моцнай і сухой. Піва мае цёмна-бурштанавы колер з рубінавым блікамі, невысокую белую пену і даволі высокую карбанізацыю. Пах і смак піва раскрываюцца віннымі, карамельнымі і хлебнымі тонамі з адценнямі бананаў і сухафруктаў. Каб стварыць у піве яшчэ адну грань мы дадалі гібіскус. Ён дапоўніў профіль лёгкай кіслінкай і кветкавымі нюансамі.