Piarevaracień: Abrykos

У самы змрочны час году мы выпускаем наш чараўнічы падвойны аўсяны стаўт «Пярэварацень». Як звычайна, рэліз гэтага рэдкага гатунку супадае з містычнымі восеньскімі святамі — старым кельцкім Самайнам і больш блізкімі да нас Дзядамі, калі мяжа звыклага і тагасветнага прыкметна вытанчаецца. Гэтым разам у наш пяшчотны, чорны лікёр мы дадалі абрыкосавы сок і духмяны марцыпан, якія супярэчліва, але на дзіва прыгожа пераплятаюцца ўсімі адценнямі цёплага восеньскага смаку жоўтага лесу, сельскай печкі і бабуліных джэмаў. Асцярожна, гэты казачны напой можа незаўважна пераўтварыць вас у зусім іншую істоту!