Popiel: Rotbier

Натхненне – даволі непрадказальная рэч, бо ніколі не ведаешь, адкуль яно з’явіцца. Менавіта так і адбылося з гэтым гатункам, бо натхняліся ім мы ў розныя часы і з розных крыніцаў. Легендарныя франконскія вэнджаныя лагеры Schlenkerla зачапілі спачатку, далей жа ўвагу прыцягнулі канадскія майстры з Godspeed Brewery з іх зацікаўленасцю шатландскімі традыцыямі выкарыстання тарфянога соладу. І зараз, пасярод зімы, сустракайце наш моцны, сагравальны чырвоны лагер у франконскім стылі з дадаткам сумесі выэнджаных на шчапе і торфе саладоў. Надзейны лагерны штам дрожджаў, сакавіты колер, збалансаваныя смакі салодкага чарнасліву, чорнага хлеба з кменам і яскравыя водары вішнёвай косткі ствараюць сапраўды ўнікальны гатунак, які так выдатна падыходзіць для павольнага зімняга вечара ў любімым бары.