Ručaj: Polski Saaz

Нашая лінейка лагераў “Ручай” – выдатнае палатно для эксперыментаў з рознымі варыянтамі аднолькавых, на першы погляд, гатункаў хмелю. Мы ўжо рабілі лагеры з Жацецкім хмелем, вырошчаным у Чэхіі і Беларусі, і піва з імі атрымвалася даволі розным. Гэтым разам у нашай класічнай “дванаццатке” мы скарысталі Saaz з Польшчы, і ён прыўнёс у наш Ручай незвычайныя для чэшскіх лагераў араматы сушаных цытрусаў і кветак бузіны. А заўсёды лакальны солад, надзейны штам лагерных дрождаў і доўгая вытрымка робяць Ručaj напоем на кожны дзень, бо кожны новы глыток прыносіць асалоды і сапраўдны летні спакой, нягледзячы на бліскавіцы і залевы.