Saĺsa: Toum

Новая Сальса, а гэта значыць наперадзе новае падарожжа! Гэтым разам вандруем з вамі па старажытнаму Леванту і спрабуем на смак адзін з асноўных соусаў рэгіёну – неверагодна араматны, насычаны і смачны часнычны тум. Да шчыльнай таматнай базы мы дадалі вялікую колькасць свежага (дакладна, свежага!) часныку, солі, лімоннага соку, яблычнага воцату, жменьку духмянага перцу і кропельку фірмовага маланкаўскага соуса з суперхотаў (бо чаму б і не). Пасля келіху новай Сальсы аніякі вампір вам ня будзе страшны. Толькі наперад, у новае падарожжа!